O LIBRO
En “El vuelo de la reina” o autor descríbenos as relacións entre G.M. Camargo, un poderoso director de diario que rolda a sesentena, e Reina Remis, unha nova xornalista en pendes. Sobre o escenario dun país que se esborralla, sumido na corrupción política e as manobras case esperpénticas dun presidente que se nega a aceptar a súa inevitable caída, desenvólvese o encontro dos dous personaxes principais. Un encontro que dende o principio está destinado a ser desastroso, pois a personalidade de Camargo, enferma e trastornada polas perdas da infancia, o imposibilita para o afecto. A soberbia, a frialdade, e a falta de empatia que encobre un ser inseguro, infantil e analfabeto ante os sentimentos, levarán o protagonista aos extremos da loucura, transformando un romance outonal nunha truculenta historia de dor e vinganza.
En canto a Reina, unha muller libre e chea de talento, pero que intimamente desexa, como todos, afecto, non pode evitar caer baixo o influxo de Camargo buscando, quizais, un muro seguro no que apoiarse. Desgraciadamente, comprenderá demasiado tarde que ás veces é mellor afacerse á soidade.
O AUTOR
Tomás Eloy Martínez naceu en San Miguel de Tucumán (Arxentina) en 1934 e faleceu no ano 2010. Graduouse como licenciado en Literatura Española e Latinoamericana na Universidade de Tucumán, e ampliou os seus estudos na Universidade de París, onde obtivo unha mestría de Literatura.
Foi escritor, guionista de cine e ensaísta, pero principalmente dedicouse ao periodismo. En Bos Aires traballou como crítico de cine para o diario “La nación”, xefe de redacción do semanario “Primera Plana”, corresponsal da Editorial Abril en Europa, director do semanario “Panorama” e do suplemento cultural “La opinión”. Foi o creador e primeiro director do programa de noticias “Telenoche”
En 1975, tras recibir ameazas do grupo Triplo a, exiliouse en Venezuela onde viviu ata 1983 e exerceu como editor en “El Nacional” e asesor da dirección no mesmo diario. Tamén foi fundador, ademais de director de Redacción de “El diario de Caracas”. Ao seu regreso a Arxentina formou parte da cooperativa de Xornalista Independentes que editaba a revista “El Porteño" e tamén creou o suplemento literario “Primer plano” do diario "Página 12", de Bos Aires. Traballou como columnista no diario “La Nación” e en “The New York Times Syndicate”, que publicou os seus artigos en douscentos xornais de América e Europa, entre eles “El País”, de España. Ademais participou activamente na creación do diario“Siglo 21” de México. Impartiu conferencias e cursos en diversas universidades de Europa e América; é doutor honoris causa pola universidade Jonh F. Kennedy de Bos Aires e pola Universidade de Tucumán. Dende o 2009 formaba parte da Academia Nacional de Periodismo. Ten no seu haber varios premios: Premio Cóndor de Plata (2008) da Asociación de Cronistas Cinematográficos de Arxentina,, Premio Ortega e Gasset de Periodismo (2009) outorgado polo diario o país e o Premio Internacional Alfaguara de Novela (2002) por “El vuelo de la reina”. Entre a súa obra literaria destacaremos: “Sagrado” (1969)," La novela de Perón" (1985), “Santa Evita” (1995).
"Todas as paixóns son boas mentres un é dono delas, e todas son malas cando nos escravizan". Rousseau Boa lectura.
No hay comentarios:
Publicar un comentario